Investigative Network Albania – THIRRJE PËR APLIKIME
Investigative Network Albania, projekti që ka për synim të mbrojë demokracinë përmes forcimit të rolit mbikëqyrës të gazetarëve në promovimin e parimit demokratik të lirisë së shtypit dhe forcimin e rolit të këtij të fundit si avokat për një transparencë dhe llogaridhënie më të lartë të qeverisë, shpall:
THIRRJE PËR APLIKIME PËR ORGANIZATA MEDIATIKE
Thirrja qëndron e hapur nga data 13 SHTATOR 2021 deri në datën 15 TETOR 2021 (ora 23:59)
Demokracia dhe gazetaria cilësore janë nën presion të vazhdueshëm. Nga njëra anë, gjithnjë e më shumë linjat editoriale të redaksive po mjegullohen për shkak të interesave financiare të drejtuesve të mediave, dhe çensura dhe autoçensura kanë limituar zërin e gazetarëve. Nga ana tjetër, informacioni i besueshëm lokal – i nevojshëm për të marrë vendime cilësore dhe të informuara – nuk është i disponueshëm, sepse institucionet ose nuk janë të gatshëm të sigurojnë informacion publik dhe janë jo bashkëpunues.
Qëllimi i projektit
Qëllimi i përgjithshëm i këtij projekti është të mbrojë demokracinë përmes forcimit të rolit mbikëqyrës të gazetarëve në promovimin e parimit demokratik të lirisë së shtypit dhe forcimin e rolit të këtij të fundit si avokat për një transparencë dhe llogaridhënie më të lartë të qeverisë.
Në mënyrë që të arrihet qëllimi i përgjithshëm, projekti do të zbatohet nën Objektivat Specifike (OS) të lidhura me aktivitetet e projektit:
OS.1 Rritja e sasisë dhe cilësisë së përmbajtjes etike gazetareske, përmes forcimit të profesionistëve të medias dhe rritjes së përgjegjësisë së qeverisë përmes prodhimeve të pavarura dhe të thelluara mediatike.
OS.2 Të rrisë ndërgjegjësimin dhe të rrisë mirëkuptimin qytetar tek publiku i gjerë mbi çështjet e korrupsionit dhe pasojat e tyre në jetesën e qytetarëve të Republikës së Shqipërisë.
Financimi
Ky projekt financohet nga Ambasada e Shteteve të Bashkuara në Tiranë, përmes një bashkëpunimi të Qendrës shqiptare për Gazetari Cilësore, Institutit Shqiptar të Medias dhe Qendrës FOL.
Kushte për aplikim
KRITERET E PRANUESHMËRISË
Në këtë thirrje mund të aplikojnë të gjithë Rrjetet Televizive të cilat plotësojnë kriteret e mëposhtme:
- të jetë person juridik;
- të jetë regjistruar në Republikën e Shqipërisë;
- të ketë selinë në Republikën e Shqipërisë;
- të jetë drejtpërdrejt përgjegjëse për përgatitjen dhe menaxhimin e projektit me bashkë-aplikantin (et) dhe subjektin (et) e lidhur, duke mos vepruar si ndërmjetës.
Bashkëaplikanti (ët) nëse ka
Bashkë-aplikantët marrin pjesë në hartimin dhe zbatimin e veprimit, dhe kostot që ata pësojnë janë të pranueshme në të njëjtën mënyrë si ato të bëra nga aplikanti kryesor.
Bashkë-aplikantët duhet të përmbushin kriteret e pranueshmërisë siç zbatohen për vetë aplikantin kryesor (OJF-të duhet të jenë persona juridik me status aktiv pranë Drejtorisë së Përgjithshme të tatimeve).
Nëse miratohet kontrata e grantit, bashkë-aplikanti (ët) nëse ka, do të bëhet përfituesi (ë) në veprim (së bashku me aplikantin kryesor).
TEMAT E PRANUESHME PËR THIRRJEN PËR RRJETE TELEVIZIVE
Thirrja pranon propozime për raportime hulumtuese për temat me interes publik në lidhje me situatën aktuale në Shqipëri (por jo të kufizuara) në:
– Sundimin e ligjit me fokus të veçantë në reformën në drejtësi;
– Luftën kundër korrupsionit dhe krimit të organizuar;
– Organizatat kriminale, krimin e organizuar dhe efektin e tij në shoqërinë e gjerë;
– Administratën publike dhe menaxhimi i financave publike;
– Të drejtat e njeriut;
– Bujqësinë dhe siguria ushqimore;
– Degradimin / mbrojtja e mjedisit;
– Konkurrencën;
– Kujdesin shëndetësor;
– Përfshirjen sociale;
– Edukimin;
– Raste korrupsioni ose abuzimi me postin publik në administratën qendrore dhe vendore;
– Favorizim, nepotizëm ose mungesë transparence në marrëdhënie të ndryshme kontraktuale;
– Kontratat me negocim ose tenderat me vetëm një konkurrent efektiv;
– Ekzekutim i punëve publike para bërjes së tenderit dhe zhvillimi i proceseve tenderuse në formë
fiktive;
– Keqmenaxhim i burimeve natyrore ose pronave publike;
– Keqmenaxhim i burimeve dhe aseteve financiare publike;
– Mitmarrje/mitdhënie;
– Ndryshime jo transparente/pa procedurë në administratën lokale ose në emërime;
– Etj.
Madhësia e granteve dhe afati i zbatimit
- Grantet për Oragnizata Mediatikedo të jenë 20,000 USD.
- Organizatat Mediatike kanë detyrim të bashkëfinancojnë 20% të buxhetit të projektit/programit.
- Afati maksimal fiilestar i zbatimit të projektit është 7 muaj.
PRODUKTET E PRANUESHME
Përmes kësaj thirrje për propozime, konsorciumi synon të rrisë kapacitetet profesionale të gazetarëve lokalë dhe rajonalë për të prodhuar rezultate cilësore të gazetarisë dhe medias në fushën e gazetarisë hulumtuese, përmes një skeme financuese në të cilën, gazetarë individualë, grupe gazetarësh, Organizata të Shoqërisë Civile dhe Mediave do t’u jepen mundësi financiare për të hartuar, ndërtuar dhe publikuar produkte në kategoritë e mëposhtme:
- Prodhime televizive tematike (hulumtuese) dhe riprodhime në internet që përfshijnë seri programesh/dokumentarësh/kronikash hulumtuese, histori artistike, të transmetuara;
- Prodhime të reja multimediale duke përfshirë qasje inovative dixhitale, të transmetuara.
Aplikimet duhet të dorëzohen përmes adresës së posaçme të postës elektronike që do të jepet në këtë thirrje: submissions@ina.media, brenda datës 15 Tetor 2021.
Pas dorëzimit të aplikimit, aplikanti do të marrë një konfirmim të marrjes përmes postës elektronike.
Që një aplikim të konsiderohet i plotë, ai duhet të përmbajë dokumentat e mëposhtëm:
- Formulari i Projekt Propozimit
- Kalendari i Aktiviteteve
- Projekt Buxheti
- Korniza Logjike
- Deklarata e Titullarit
- Deklarata e Bashkëfinancuesit (Bashkëfinancimi prej 20%)
- Dokumentat Shoqëruese
Shënim: Konsultoni këtë listë udhëzuese me dokumentat e nevojshëm shoqërues për bashkëlidhje propozimit të plotë, dhe plotësoni checklist-ën e vënë në dispozicion bashkëlidhur formularit të aplikimit.
AFATET E DORËZIMIT DHE SHQYRTIMIT TË APLIKIMIT
| DATË | ORË | |
| 1. Afati i fundit për të kërkuar sqarime mbi procedurën e aplikimit | 10 Tetor 2021 | 17:00 |
| 2. Data e fundit në të cilën lëshohen sqarimet nga Partnerët | 12 Tetor 2021 | 17:00 |
| 3. Afati i fundit për dorëzimin e aplikimeve | 15 Tetor 2021 | 23:59 |
| 4. Vlerësimi fillestar i aplikimit dhe kontaktim i aplikantëve për sqarime të mëtejshme | 16 – 25 Tetor 2021 | N/A |
| 5. Vlerësimi përfundimtar I propozimit nga Bordi Editorial | 31 Tetor 2021 | N/A |
| 6. Komunikimi i vendimit | 01-05 Nëntor 2021 | 11:00 |
| 7. Lidhja e Kontratës | Deri më 10 Nëntor 2021 | N/A |
PËRPARA SE TË APLIKONI LEXONI UDHËZUESIN E THIRRJES DUKE KLIKUAR ketu
Për më shumë info rreth prjektit mund të lexoni këtu
Për thirrjet individuale për gazetarë mund të lexoni këtu
